بیر دومانلی یوخییام، سنسیز اوتوزموش قومارام
بوغولان بیر دنیزم، هئي داريخيب، هئي دولارام
يانار اوتلاردان آتيلديم، دولي بير حسرتيلن
او سينيق كوزگودہ گوردوم، بئله پایسیز باهارام
اوجا نفسیم بوکولوب، دار قفسین کولگه سینه
دیلیم اوسته دولانان ماهنیلارا، توزلی تارام
بیر نفس چکمگه آرتیق آغیز آچمیر بوغازیم
مئشه لردہ قوجاليقدان، آسيلان قانلي دارام
باشداكي يايليغيما عشقي دوگون باغلاميشام
گويدہ اؤلدوز سئچیرم، باخماکی آلچاق دووارام
دوز سپیلمیش یارالار، هئي دئشيلير دال با دالا
تكجه سنلن دانيشاندا، ساغالير كوهنه يارام
سانجيليب كوينگيمه قات قاريشيق آرزيلاريم
سارانين گؤز ياشيام، هر گئجه گيزلين آخارام
كيلكه دوشموش باشيم اوسته، يووا سالما گؤزليم
دؤزمرم يئل قاباغيندا، بئلي سينميش چینارام