او کی بو کون و مکانی یارادیب قدرتدن
او کی بو بحر و بری خلق ائدیب شوکتدن

ایکی عالمده اودور بنده لره یاور و یار
حکمت‌دن نور بنده لره هر آثار

خلق عالمی هامی محتاج دور او درگاهه
او وئریب نور و ضیا کوکب و مهر ماهه

حمد حق دن، سوره الدی قلم نور افشان
به ثنا گستری ختم رسل فخر جهان

بنی هاشم او احمد و محمود صفات
کیم خدادن اوله دایم که سلام و صلوات

آل اصحابینه هم رحمت بسیار اولا
ائله حق یاوری هر کیم اولارا یار اولا

حمد حق نعت نبی دن سوده با صدق زبان
فرض دور بنده لره مدح شهنشاه جهان

او شهنشاه فلک مرتبه چرخ سریر
شاه نادر که آدی تک اونا یوخ مثل و نظیر

دئمک اولماز بو شهنشاه که اولا پیغمبر
یا مقرب ملکی دور اولوب از نوع بشر

لیک چون قدرت حق ظاهر اولوب بیش از پیش
نظر حق اونا هر کیمه دیمه حق دیمیش

نسبت ایله شرف و فخر اجاق تیمور
حسب ایله به جهان شاه شهان دور مشهور

مصطفی خلقت و عیسی دم و یوسف طلعت
بوعلی دانش و حاتم کف و لقمان حکمت

قابلیت له اونا وئردی خداوند کریم
تاج و تخت شهی و عدل و کرم خلق عظیم

هر شرافت که دئیه‌م شاه شهان دور کامل
مرحمتدن اونون الطاف خدا دور شامل

بقیه کامنت