آیدین

سني گورنده ايشيقلاندي گوزلريم بيليسن؟

محبت عطريله بيرلشدي سوزلريم بيليسن؟



سنين گوزلليقيني يازميشام اينانماديلار

بو ائل يانيندا یالانلاشدي سوزلريم بيليسن؟



محبتينله گولوم وصلينه اينام تاپديم

بير آيري قدرته گلميشدي ديزلريم بيليسن؟



داها حزين سسي اصلا ائشيتمييردي قولاق

هميشه بم اوخويوردو قوپوزلاريم بيليسن؟



خيالين ايله قاناد آچميشام چونم ياغيشا

خيالين ايله سماءلاندي ايزلريم بيليسن؟

شاعر آقای مهران عباسیان

سئوه سئوه گزدیم ،بو ائللری

تئله تئله دوزدوم، من گوللری

باخا باخا یولارا، آختارارام سنی من

شیرین سوزوم،گلمدین، ایکی گوزوم گلمدین

کونول وریب سئودی یئم، هاردا قالدین گلمدین؟

گلـمدین ، گلـمدین

ایلک باهار گلدی ، دورنالار گلدی ، تکجه سن گلیب چیخمادین هاردا قالمیسان؟

ازل گوندن ره عشقه دوشوب من بیر بلا گوردوم،

اوزومنن غیر اوشاقی بلایه مبتلا گوردوم،

دولاندیم عالمی بیر یاری همدم گورمدیم بیلاهی،

جفا سین چکدیم یارین اوزومه مبتلا گوردوم

سن سیز کونلوم ائوی، یار ، اوتلانار

تئز گل قلبیم دوزمور،یار هجرانا

باخا باخا یولارا، آختاریرام سنی من

شیرین سوزوم گلمدین، ایکی گوزوم گلمدین

کونول وریب سئودییم هاردا قالدین گلمدین

گلــمدین ، گلمدین

ایلک باهار گلدی، دورنالار گلدی ،تکجه سن گلیب چیخمادین، هاردا قالمیسان؟

ساچین اوجون هؤرمزلر؛

گولو سولو (قونچا) درمزلر

ساری گلین

بوسئودا نه سئودادیر ؟

سنی منه وئرمزلر

نئیلیم آمان، آمان

ساری گلین

بو دره نین اوزونو،

چوبان قایتار قوزونو،

نة اوْلا بیر گون گؤرم

نازلی یاریمین اؤزؤنو

نئیلیم آمان، آمان

ساری گلین

عاشیق ائللر آیریسی،

شانا تئللر آیریسی،

آیریسی بیر گونونه دؤزمزدیم؛

اوْلدوم ایللر آیریسی

نئیلیم آمان، آمان

ساری گلین

.
ای گول منی سن ایسته سن عمروم هدر اولماز
صلح اولماسا ائولاد وطن بختور اولماز
آزادلیگی صلحی سئویللر بیزیم ائللر
بیریئرده کی صلح اولسا او یئرده ضرر اولماز
اودلار وطنین نازلی گوزللر بورویوبدور
ائللرده مثل وار کی گوزلسیز شهر اولماز
آهیم اودو بلکه ائلسین قلبینه تاثیر
نئیسان سویونو ایچمسه، داشدان گوهر اولماز
هیجران گئجه سی من چکنی چکمسین اغیار
ظنیمله قیامت گونو بوندان بتر اولماز
زولفون اوزونو توتسادا گویچکلیین آرتیر
ظولمت گئجه لر اولماسا آیدین سحر اولماز
واحید، سنه، غم چکمه رقابت ائدن اولسا
مین گول قووشا بیر یئره بحر خزر اولماز
واحد

جانیمدا ساخلادیم، چیرپینان یئلی
داملا داملا سوزده، ییغدیغیم سئلی
طوفان کیمین چالسین، کونلومون تئلی
قورولسون آیدینین ، سوزده اوجاغی

داها یالنیزلیقدا ، بئله سر خوشام
کیمسه گورسه حالیم، سانار ناخوشام
بولاق کیمین اگر ، قایناییب جوشام
آخاندا تاپارام ، کونول بوجاغی

آیدین