گونشه ساری اوچار فیکر و خیالیم گئجه لر
هئچ بیلیرسن نئجه دیر سئوگیلی حالیم گئجه لر؟ آی یاتار چشمه ده قوش لار یووادا من یاتمام
نئچه ایلدیر کی حلال اولدو حرامیم گئجه لر

هر گئجه من گئدرم گونده کی میعادیمیزا
آچیلار هر دفعه سنسیز قره فالیم گئجه لر

آما هر دفعه کی سنسیز گزرم سوئگی باغین
ائییلیر هر قدم آتدیقجا بو دالیم گئجه لر

باخارام بوش یئریوه حلقه ویرارسان گوزومه
یاناغیمدان سوزولر قانلی ملالیم گئجه لر

ایکی فنجان، ایکی صندل، ایکی دونیا، ایکی یول
بوش یئریندن بیلینیر لحن سوالیم گئجه لر

آی هلال اولماسی تک هئی اریرم سنسیز من
بو جوابسیز سوالا یئتدی روانیم گئجه لر

سن سئون كؤينه ييم اه ينيمده كفن اولماقدا
ذرّه ذرّه اؤلومه آرتدي جلاليم گئجه لر