سن گئدرسن قاپینی هی چالاجاق سس سیزلیک
سن گئدرسن بوائوه های سالاجاق سس سیزلیک

بیرچیراق سیز شهرین قارلی قارانلیق گئجه سین
بیر عؤمور بلکه قوناق ساخلایاجاق سس سیزلیک

سن گئدرسن سوساجاق دینمیه جک تار بیرده
کامانین پرده لرینده قالاجاق سس سیزلیک

داها تاققیلداماییب، داش دؤشه نک ده باشماق
شهرین دال بوجاغیندا دالاجاق سس سیزلیک

دالغا کؤسموش پازیلته ساریلان دان فرکانس
سنده گئتسن دئیه سن تام اولاجاق سس سیزلیک

سسلی کویلو آلیشیب دیر نئجه دام-داش، ائویمیز
ایللرین سانکی قیصاصین آلاجاق سس سیزلیک

یالواریش-قورخو ساریب دیر ائوی آه بیر بیلسن
سن گئدرسن بوائوه های سالاجاق سس سیزلیک