ایسته ییرم

بیر دنه یار ایسته ییرم ، دردیمه درمان اولسون

منی مجنون ائتسین ، اؤزو لیلی دوران اولسون

گؤزلری آهو گؤزو ، قاشلاری دا اَیری کامان

باخیشلارین اُخ تک آتیب ، گؤزلریم حیران اولسون

گولوشو نازلی شکر ، لبرلری بالدان دا شیرین

باخدیقجا او تایسیز یارا ، کونلوم پریشان اولسون

قد و قامت نومره ییرمی ، یئریشی جانلار آلان

کاشکی بو دیلبریم هر گون ، قلبیمه مهمان اولسون

سسی سازلی سؤزو آوازلی اولان دوزلو نیگار

منی سئودیکجه بو جانسیز اؤلو جیسمه جان اولسون

دیلینه عاشیق اولان ، یوردو اوچون جاندا وئرن

جانانا هر نه واریم همده جانیم قوربان اولسون